Jashari: Përgatitjet po shkojnë shumë mirë dhe besoj shumë që në Bukuresht do ta arrijmë fitoren

15:15 | 13 Nëntor 2024
D.H

Kosova ka zhvilluar stërvitjen e fundit para nisjes për në Rumani, teksa e ka marr një lajm të keq me lëndimin e Donat Rudhanit.

Pavarësisht kësaj dhe mungesave tjera, Muharrem Jashari beson se Kosova do të arrij fitore ndaj rumunëve, shkruan Arbresh.info.

“Atmosfera është shumë e mirë, me një energji shumë të mirë, me një pozitivitet prej krejt lojtarëve. Përgatitjet po shkojnë shumë mirë dhe besoj shumë që në Bukuresht do ta arrijmë fitoren.”

“Jemi duke u përgatit maksimalisht taktikisht dhe normal që jemi duke i shikuar pikat e forta e po ashtu edhe të dobëta të Rumanisë. Mendoj se në këtë ndeshje do të ballafaqohemi me një ekip shumë të mirë, siç e ka Rumania, por besoj shumë që do ta arrijmë fitoren”, u shpreh Muli.

Jashari është ftuar edhe në dy ndeshjen e fundit ku ndaj Qipros luajti nga minuta e parë dhe pati një performancë të mirë./Arbresh.info/