Interi ka vazhduar rekordin e 100 për qind në Serie A duke mposhtur edhe rivalin e sotëm (e mërkurë).

Skuadra nën udhëheqjen e trajnerit Antoine Conte ka siguruar tri pikë mjaftë të rëndësishme kundër Lazios në takimin e zhvilluar në kuadër të xhiros së pestë në Serie A, shkruan portali arbresh.info.

Goli vendimtar i ndeshjes u shënua nga mesfushori anësor Danilo D’Ambrosio derisa po zhvillohej minuta e 23′ e ndeshjes.

Porta e Thomas Strakoshës u prek vetëm një herë gjatë kësaj ndeshje falë paraqitjes së tij të shkëlqyer duke i mohuar golat nikoqirëve në Giuseppe Meazza në disa raste gjatë pjesës së dytë.

Por, nga ana tjetër paraqitje shumë të mirë kishte edhe 35-vjeçari Samir Handanovic.

Me këtë fitore, Interi ka 15 pikë nga pesë ndeshje dhe qëndron në krye me dy pikë më shumë se Juventusi, ndërsa Lazio qëndron në pozitën e nëntë me shtatë pikë./arbresh.info/