Interi shumë afër transferimit të superyjeve

10:17 | 15 Janar 2018

Lisandro Lopez ndodhet në Milano, ndërsa Ramires pritet t’i bashkëngjitet shumë shpejtë, duke qenë se të dy futbollistët janë pranë zyrtarizimit te Interi.

Nerazzurrët duan ta përforcojnë skuadrën gjatë afatit kalimtar të janarit, edhe pse nuk kanë buxhet të lejueshëm për transferime të reja.

Qendërmbrojtësi i Benficas, Lisandro Lopez, pasi t’i kryejë testet mjekësore do të huazohet për gjysmë milioni euro, me opsionin e blerjes për nëntë milionë të tjera.

Sipas Mediaset Premium, Ramiresit i është dhënë leja që të huazohet te zikaltrit nga Jiangsu Suning, meqë të dy klubet janë në pronësi të Suning Group.

Agjenti i brazilianit pritet të shkojë në Milano të martën për t’i finalizuar detajet.

Bisedimet janë duke vazhduar edhe me Barcelonën për Rafinhan, por Interi nuk do të paguajë 30 milionë euro për të.

Klubi italian dëshiron ta huazojë deri në fund të sezonit me opsionin e blerjes për 25 milionë euro.

Shpërndaje në rrjete sociale

Lajmet më të lexuara