Klubi italian, Interi ka konfirmuar zyrtarisht se sulmuesi i talentuar Valentin Carboni ka përfunduar transferimin e tij në Olympique Marseille.

19-vjeçari argjentinas e kaloi sezonin 2023/24 në huazim te Frosinone, ku ai bëri përshtypje në 31 ndeshjet e tij në Serie A, duke shënuar dy gola dhe duke dhënë katër asistime. Zhvillimi i tij krijoi besim te Nerazzurri, të cilët e prisnin me padurim kthimin e tij.

Interi nuk donte të humbiste plotësisht kontrollin e Carboni pas shfaqjes së Marseille këtë verë, kështu që lidhi një kontratë të re pesëvjeçare me 19-vjeçarin dhe përfshiu një klauzolë kthimi në lëvizjen e tij në Francë.

“FC Internazionale Milano njofton transferimin e Valentin Carbonit në Marseille. Futbollisti argjentinas i lindur në vitin 2005 lëviz në mënyrë të përkohshme me të drejtë blerje dhe riblerje”, thuhet në njoftim.

Sipas mediave, Interi ka dërguar Carbonin në Marseille në një marrëveshje huazimi prej 1 milion euro me një opsion blerjeje prej 36 milionë euro të bashkangjitur.

Një klauzolë riblerjeje me vlerë rreth 40 milionë euro është përfshirë gjithashtu, duke u dhënë atyre kontroll mbi të ardhmen e tij.

Talenti argjentinas 19-vjeçar do të veshë fanellën me numrin 7 te klubi nga Ligue 1 dhe tani është gati të fillojë të punojë me Roberto De Zerbin dhe bashkëlojtarët e tij të rinj. /Telegrafi/