Interi dështoi për të arritur një marrëveshje me Manchester United në lidhje me transferimin e Darmianit dhe në vend të tij ata kanë kthyer vëmendjen te mbrojtësi portugez i Southamptonit, Cedric Soares.

Qendërmbrojtësi i talentuar do të transferohet te Interi në formë huazimi për 500 mijë euro dhe “Nerazzurrët” kanë opsionin për blerjen e tij për 11 milionë euro, transmeton portali arbresh.info.

Interi synon transferimin e tij për shkak të performancave zhgënjyese të Sime Vrsaljkos, i cili u transferua te klubi nga Atletico Madridi gjatë verës.

Kroati shkëlqeu gjatë Kampionatit Botëror në Rusi dhe si pasojë e kësaj ka siguruar këtë lëvizje madhështore, por ka qenë zhgënjyes në Serie A.

Vrsaljko ka pasur probleme me gjendjen e tij fizike dhe klubi shpreson se Cedric mund t’i sigurojë atyre që ata të përfundojnë në top treshe.

Testi mjekësor është caktuar që të kryhet mëngjesin e nesërm (e premte)./arbresh.info/