Juventusi ka thirrur sulmuesin Gonzalo Higuain dhe Joao Cancelon për fazën e parë të stërvitjeve parasezonale.

Dyshja janë përfolur shumë për largim gjatë kësaj vere, por ata janë ftuar për të qenë të përfshirë kur Maurizio Sarri udhëheq seancën e parë stërvitore të mërkurën, transmeton portali arbresh.info.

Sa i përket Higuainit, kjo shënon jo vetëm ribashkimin me Juven dhe Sarrin, por edhe mundësinë për një tjetër shpagim.

Cancelo nga ana tjetër ka qenë subjekt së fundmi i një oferte të përmirësuar nga Manchester City.

Aty ka vend edhe për Marko Pjacan, i cili është kthyer në Torino pas huazimit te Fiorentina edicionin e kaluar.

Cristiano Ronaldo dhe Blauise Matuidi janë duke munguar, por do të fillojnë stërvitjet parasezonale të shtunën.

Të gjithë lojtarët e transferuar këtë verë si Gianluigi Buffon, Merih Demiral, Adrien Rabiot dhe Aaron Ramsey janë thirru./arbresh.info/

Skuadra e Juves për stërvitjet parasezonale: Buffon, Perin, Pinsoglio, Szczesny; Bonucci, Cancelo, Chiellini, Demiral, De Sciglio, Rugani; Emre Can, Khedira, Pjanic, Rabiot, Ramsey; Bernardeschi, Douglas Costa, Higuain, Mandzukic, Pjaca