Neymar nuk ka qenë kurrë më i kënaqur në Paris Saint-Germain sesa ai tani, sipas Ander Herrera, i cili gjithashtu ka mohuar që Kylian Mbappe mund të largohet nga klubi gjatë verës.

Pas sezonit të tij të tretë me PSG-në, Neymar kishte qenë i lidhur me një transferim në Spanjë, ku Barcelona dhe Real Madrid janë interesuar, ndërsa Mbappe ishte shoqëruar me një transferim te Real Madrid ose Liverpool.

Herrera, megjithatë, thotë se të dy yjet janë vendosur për qëndrim në kryeqytetin francez dhe ka zbuluar se kriza e koronavirusit, e cila i dha një fund të parakohshëm Ligue 1, ka qenë një ndikim pozitiv në këtë drejtim, përcjell lajmi.net.

Duke folur me “Tiempo de Juego” të COPE, ish-lojtari i Manchester United tha: “Mbappe dhe Neymar janë akoma në PSG dhe aq më tepër me situatën në të cilën gjendemi aktualisht”.

“Kam darkuar me Neymar para karantinës dhe ai është shumë i përfshirë në projekt. Ai më tha që kurrë nuk ka qenë aq i lumtur në Paris”.

“Projekti i PSG është i tillë që të dy ndjehen të përmbushur në Paris”.