Hector Bellerin do t’i bashkohet Barcelonës?

20:59 | 16 Maj 2017
Arbresh Info

Mbrojtësi i Arsenalit, Hector Bellerin ka rënë dakord t’i bashkohet Barcelonës pas përfundimit të sezonit aktual.

Reprezentuesi spanjoll është duke parë “Topçinjtë” në luftën për të përfunduar këtë sezon në top katërshe, por nga ana tjetër gazeta spanjolle ‘Diario Gol’ pretendon se një marrëveshje është shtruar nga gjiganti spanjoll duke i ofruar tij rikthimin në ‘Camp Nou’, transmeton portali arbresh.info.

Lexo edhe: Barcelona ka një plan për talentin e ri të skuadrës (FOTO)

Sipas raportit nga gazeta e lartpërmendur, mbrojtësi i krahut të djathtë është duke kërkuar tani për shtëpi në Kataloni para rikthimit te Barcelona, ku ai shpenzoi shumicën e karrierës së tij tek të rinjtë.

Bellerin nuk ka qenë rregullisht i përfshirë së fundmi në formacionin starutes të gjigantit londinez pasi Arsene Wenger ka dashur t’i dhurojë mundësinë Alex Oxlade Chamberlian për të shkëlqyer gjithashtu./arbresh.info