Sulmuesi i Atletico Madridit, Antoine Griezmann i ka hedhur ujë të ftohtë raporteve të nxehta që e lidhin atë me transferim në Barcelonë.

Francezi vazhdoi së fundmi me formë të mirë duke shënuar gol edhe në barazimin e së dielës në Real Madrid për ‘Los Rojiblancos’, ndërkohë që vazhdon të përflitet rreth largimit të mundshëm nga klubi gjatë verës, transmeton portali arbresh.info.

“Ajo informatë nuk është e saktë”, ka thënë Griezmann për ‘Telefoot’ kur është pyetur rreth spekulimeve që e lidhin atë për transferim në Barcelonë.

“Verën e kaluar unë nuk u shpreha mirë kur isha duke folur [rreth lidhjeve për transferim në Man Utd] dhe këto ishin gabime që unë duhet t’i pranoj dhe të përballem me to”

“Që nga atëherë, unë jam rikthyer më i fuqishëm si fizikisht edhe mentalisht dhe tani ndihem i freskët dhe dua të vazhdoj me formën që kam shfaqur që nga janari”

/arbresh.info/