Granit Xhaka nuk ka durim para ndeshjes së ardhshme në Evropa Ligë.

Shorti i ndeshjeve të 1/8-së për UEFA Evropa Ligë i hedhur sot (e premte) në Nyon të Zvcirës ka vendosur përballë të dy gjigantët evropian AC Milan – Arsenal, shkruan portali arbresh.info.  Dy rivalët do të përballen në të njëjtën fazë si në sezonin 2012/13 në kuadër të Ligës së Kampionëve, kur “Topçinjtë” u eliminuan me rezultat të përgjithshëm 4 me 3 nga “Rossonerët”.

Skuadra e trajnerit Arsene Wenger do të kërkoj padyshim t’i hakmerret gjigantit italian, por kjo përballje ka një rëndësi tjetër për reprezentuesin kosovar të Zvicrës.

Xhaka do të përballet me bashkëlojtarin e tij te skuadra kombëtare, Ricardo Rodriguezin, i cili aktualisht bartë fanellën e kuqezinjve ku luan si një mbrojtës.

“Kohë e gjatë pa u përballur me njëri-tjetrin shoku im. Mezi mund të pres për këtë ndeshje, jo vetëm kundër AC Milanit, por gjithashtu edhe kundër shokut tim”, ka shkruar Xhaka në rrjetin social Instagram.

Takimi i parë ndërmjet dy skuadrave do të zhvillohet më 8 mars duke filluar nga ora 19:00./arbresh.info/