Go+ Peja ka arritur të shënoj fitoren e parë pas tri ndeshjeve në ENBL, duke e mposhtu skuadrën bullgare Spartak Pleven me rezultat 96-81.

Pejanët e nisën lojën me dominim duke e mbyllur çerekun e parë me rezultat 28-9, shkruan Arbresh.info.

Më pas periudha e dytë u mbyll baras 25-25. Kurse në çerekun e tretë sërish ishin pejanët më të mirë duke e fituar 29-22.

Bullgarët u dalluan vetëm në çerekun e fundit ku fituan 25-14, dhe e zvogëluan pak disavantazhin.

Më i dalluari në fitoren e parë të pejanëve ishte Fletten me 21 pikë, teksa me nga 13 sosh luajtën edhe Hajdari, Johnson e Malaj.

Kurse tek mysafirët u dalluan Brown me 19 pikë dhe Sotriov që shtoi 18 tjera.

Kjo është humbja e parë e bullgarëve në ENBL, ku pas tri ndeshjeve kanë dy fitore e një disfatë.

Peja ndeshjen e radhës e luan ndaj Dziki Warszaëa./Arbresh.info