Lugano ka arritur një barazim spektakolar ndaj Baselit në shifrat 2-2, teksa protagonist ka qenë dhe Armando Sadiku. Sulmuesi shqiptar shënoi golin e barazimit me dorë dhe më pas u ndëshkua me karton të kuq.

Taulant Xhaka dha një asist për Franson në minutën e 12’-të për t’i dhënë avantazhin skuadrës së Bazelit, ndërsa në minutën e 54’ Zufi dyfishoi shifrat për kampionët e Zvicrës.

Pavarësisht se rezultati ishte 0-2, ekipi i drejtuar nga Paolo Tramexani nuk u dorëzua dhe arriti të bëjë një përmbysje të madhe të situatës. Në minutën e 60’ Ezgjan Alioski I dërgoi shifrat në 1-2’ duke rihapur sërish ndeshjen.

Nga dëshira e madhe për të dërguar topin në rrjetë, në minutën e 77-të ai u ndëshkua me karton të verdhë, pasi shkeli portierin kundërshtar Vaçlik. Në minutën e 85’ të ndeshjes pasi shënoi sulmuesi i Kombëtares kuqezi u ndëshkua me karton të kuq duke lënë ekipin e tij me 10 lojtarë, pasi festoi me tifozët e tij.

Ky ishte goli i 8 i Sadikut që nga momenti kur i është bashkuar në janar skuadrës së Luganos, duke qenë faktori kryesor i ngjitjes së kësaj skuadre deri në këtë pozitë në klasifikim.

http://www.dailymotion.com/video/x5laxxk_armando-sadiku-goal-hd-lugano-2-2-basel-07-05-2017_sport