Frika e trajnerëve të Premierligës: Lojtarët nuk mund të jenë gati për 12 qershorin

21:46 | 13 Maj 2020
Arditë Shkodra

Rifillimi i Premierligës më 12 qershor duket në rrezik pasi trajnerët kanë kërkuar më shumë kohë për të përgatitur lojtarët e tyre.

Futbollistët do të rikthehen në stërvitje në grup nga java e ardhshme, para se të vendoset për vazhdimin e sezonit të Premierligës i cili ishte ndërprerë shkaku i koronavirusit në muajin mars.

Gjatë një takimi të të gjithë trajnerëve, janë ngritur shqetësime rreth orarit dhe nëse lojtarët do të jenë gati për 12 qershor, pas më shumë se dy muaj pa futboll.

Në anën tjetër, në Itali skuadrat e Serie A janë pajtuar që sezoni të vazhdojë nga 13 qershori.

Por, më herët do të fillojë në Bundesligë, që këtë fundjavë po rikthehet futbolli./