West Hami dhe Arsenali kanë publikuar formacionet zyrtare për ndeshjen mes tyre pasditen e sotme (e shtunë).

Dy skuadrat angleze kanë zbuluar njëmbëdhjetshen startuese për takimin në stadiumin Olympic në kuadër të xhiros së 22-të në Premierë Ligë, shkruan portali arbresh.info.

Skuadra nikoqire ka pasur probleme gjatë periudhës së Krishtlindjeve duke siguruar vetëm një fitore gjatë kësaj kohe festive, por ata janë ngritur mjaftë lartë gjatë javëve të fundit duke fituar gjysmën nga dhjetë ndeshjet e fundit.

Nga ana tjetër, “Topçinjtë” synojnë të marrin gjithsesi tri pikë këtu për të vazhduar garën për top katërshe.

Granit Xhaka dhe Shkodran Mustafi janë pjesë e linjës startuese të përzgjedhur nga trajneri spanjoll Unai Emery.

Ndeshja mes dy skuadrave fillon në ora 13:30./arbresh.info/

West Ham: Fabiański, Cresswell, Ogbonna, Diop, Zabaleta, Rice, Anderson, Noble, Antonio, Nasri, Arnautović

Arsenal: Leno; Mustafi, Koscielny, Sokratis; Niles, Guendouzi, Xhaka, Kolasinac; Iwobi, Lacazette y Aubameyang