Manchester City dhe Liverpooli kanë publikuar formacionet zyrtare për ndeshjen e madhe derbi mbrëmjen e sotme (e enjte).

Dy gjigantët në Angli kanë zbuluar njëmbëdhjetshen startuese për takimin derbi mes tyre në stadiumin Etihad në kuadër të xhiros së 21-të në Premierë Ligë, shkruan portali arbresh.info.

Skuadra nën udhëheqjen e trajnerit Jurgen Klopp vazhdon të jetë e pamposhtur deri tani në kampionatin anglez dhe përballje kundër kampionit në fuqi të Anglisë është testi i tyre më i vështirë deri tani.

Fitorja e nikoqirëve këtu përveç se do t’i shkaktonte disfatën e parë sezonale atyre, do të hapte gjithashtu garën për titull për shkak se Liverpooli si lider aktualisht ka gjashtë pikë më shumë se rivali i tyre më i afërt – Tottenham Hotspuri.

Xherdan Shaqiri është në dispozicion në këtë takim vetëm nga bankina dhe inkuadrimi i tij në fushë pritet të ndodhë vetëm gjatë pjesës së dytë. Po ashtu, edhe ylli tjetër kosovar Aro Murici te skuadra e Manchester Cityt është në dispozicion vetëm nga bankina.

Ndeshja mes tyre fillon në ora 21:00./arbresh.info/

Man City XI: Ederson; Stones, Kompany, Laporte; Danilo, Fernandinho, Silva, Bernardo, Sane; Sterling, Aguero.

Liverpool XI: Alisson; Alexander-Arnold, Van Dijk, Lovren, Robertson; Henderson, Wijnaldum, Milner; Salah, Firmino, Mane.

Bankina e Man City: Muric, Walker, Gündogan, De Bruyne, Mahrez, Otamendi, Jesus.
Bankina e Liverpool: Mignolet, Fabinho, Keita, Moreno, Sturridge, Lallana, Shaqiri.