Rivalët e vjetër luajnë sërish me njëri-tjetrin dhe këtë herë Arsenali e pret në shtëpi skuadrën e Manchester United.

Të dy gjigantët anglez kanë zbuluar formacionet zyrtare për ndeshjen mes tyre në kuadër të xhiros së 1/16-ës në FA Kupë, shkruan portali arbresh.info.

“Topçinjtë” nisin këtë takim me një besim mjaftë të madh pas fitores 2 me 0 kundër Chelseas mbrëmjen e së shtunës duke siguruar kështu katër fitore nga nëntë takimet e tyre të fundit.

Por, edhe pse Arsenali ka qenë i jashtëzakonshëm në Emirates këtë sezon, Manchester United është në super formë qysh pas ardhjes në detyrë të trajnerit Ole Gunnar Solskjaeri. Nga shtatë ndeshjet e zhvilluara deri tani nën udhëheqjen e trajnerit Solskjaeri, “Djajtë e Kuq” kanë siguruar shtatë fitore radhazi.

Granit Xhaka është pjesë e formacionit startues te skuadra nikoqire nën udhëheqjen e trajnerit Unai Emery.

Ndeshja mes tyre fillon në ora 20:55./arbresh.info/

Arsenal: Cech, Maitland-Niles, Sokratis, Koscielny, Kolasinac, Torreira, Xhaka, Iwobi, Ramsey, Aubameyang, Lacazette

Man Utd: Romero, Young, Lindelof, Bailly, Shaw, Herrera, Matic, Pogba, Lingard, Lukaku, Sanchez