Liverpooli regjistroi një fitore bindëse 3-0 dhe shumë të rëndësishme ndaj Marseilles në ndeshjen e shtatë të fazës së ligës në Ligën e Kampionëve.
“The Reds” kaluan në epërsi në fund të pjesës së parë, kur në minutën e 45+1’ Dominik Szoboszlai realizoi një goditje dënimi perfekte, shkruan Arbresh.info.
Në pjesën e dytë, presioni i Liverpoolit u shpërblye sërish në minutën e 72’, kur portieri i Marseille, Rulli, devijoi topin në portën e tij për një autogol të pafat, duke e çuar rezultatin në 0-2.
Marseille tentoi të reagojë me raste nga Greenëood dhe Aubameyang, por Alisson u tregua i sigurt në portë.
Goditjen përfundimtare e dha Cody Gakpo në minutën e 90+3’, i cili pas një asistimi nga Ryan Gravenberch tregoi qetësi të madhe në zonë dhe shënoi për 0-3, duke vulosur një fitore të madhe për skuadrën e Arne Slot.
Me këtë fitore Liverpooli është i katërti me 15 pikë, derisa Marseille mbetet e 19-ta me nëntë sosh./Arbresh.info
Parashikimi i motit për të enjten
SHBA-të do të ndërtojnë një reaktor bërthamor në Hënë
Nesër pritet të mbahet takimi mes Bislimit e Petkoviqit në B...
Arsenali dhe Chelsea në luftë për yllin e Real Madridit R...
Edi Rama i çon projektligj Kuvendit të Shqipërisë për Bordin...
Moti i lig në Greqi merr jetën e dy njerëzve