Fiorentina 0:2 Juventus, notat e lojtarëve

23:12 | 9 Shkurt 2018
Arbresh Info

Fiorentina është mposhtur në takimin si nikoqir nga Juventusi.

Kampioni i Italisë ka siguruar fitore me rezultat 0 me 2 në ndeshjen e zhvilluar si mysafirë në Artemio Franchi mbrëmjen e sotme (e premte) në kuadër të xhiros së 24-të në Serie A, shkruan portali arbresh.info.

Mbrojtësi Giorgio Chiellini, i cili asistoi në golin e realizuar nga Gonzalo Higuain në minutën e 84′, është lojtari me notën më të lartë të ndeshjes. 33-vjeçari është vlerësuar me notën 8.7 për paraqitjen solide mbrëmjen e sotme.

Anësori Federicio Bernardeschi që shënoi golin e epërsisë nga gjuajtja e lirë është vlerësuar me notën 7.6, ndërsa Higuain është vlerësuar me notën 7.8.

Lojtari me notën më të dobët është portieri i Fiorentinas, Marco Sportiello (5.6)./arbresh.info/