Senegali ka fituar Kupën e Kombeve të Afrikës pas një përballjeje tepër të luftuar ndaj Marokut, duke triumfuar me rezultat 1:0 pas vazhdimeve, në një ndeshje të mbushur me tension, duele të forta dhe ndërhyrje të shpeshta nga VAR-i.

Senegali realizoi në minutën e 89-të por goli u anulua pasi pati faull, shkruan Arbresh.info.

Momenti kyç i ndeshjes erdhi në minutat shtesë të pjesës së dytë, kur Maroku fitoi një penallti pas rishikimit me VAR, por Brahim Díaz nuk arriti ta mposhtë Edouard Mendy, i cili u shndërrua në protagonist absolut.

Pas këtij momenti vendimtar, ndeshja shkoi në vazhdime, ku ritmi ra, por intensiteti mbeti i lartë. Në minutën e 94-t, Senegali gjeti golin e fitores me një supergoditje nga distanca të Pape Gueye, i cili nuk i la asnjë shans portierit Bono dhe vendosi fatin e sfidës.

Kjo është hera e dytë në histori që Senegali triumfon në Kupën e Kombeve të Afrikës./Arbresh.info

LEXO EDHE:

Skenar i pazakont në çastet finale të Kupës së Afrikës – ndeshja shkon në vazhdime