FIBA shkruan për Prishtinën: Berisha ylli i ekipit (FOTO)

19:33 | 26 Tetor 2017
Arbresh.info

Shtëpia më e madhe e basketbollit në botë FIBA ka shkruar për Sigal Prishtinën.

Klubi kosovar po shkëlqen në arenën europiane, ku në dy ndeshjet e para të Kupës së Europës FIBA, ka arritur dy fitore, duke kryesuar tabelën e grupit G.

FIBA ka marrë në pyetje yllin prishtinas, Dardan Berishën pas fitore së mbrëmshme kundër kampionit ukrainas, BC Khimik.

“E kishim të vështirë pasi që ata kanë një ekip të mirë dhe me eksperiencë. Besoj që e merituam fitoren, kjo falë edhe përkrahjes së tifozërisë tonë, të cilëve iu bëj thirrje edhe të premten të vijnë e të na përkrahin, pasi që është ndeshje mjaft e rëndësishme, ndoshta më e rëndësishmja deri më tani”, ka thënë Berisha.

Për paraqitjen e Berishës, ka folur edhe trajneri i Khimik, Vitaly Stepanovski, i cili thotë se e “patëm të vështirë ta ndalim një lojtar, një lider si Berisha”.