Shtëpia e basketbollit kosovar, FBK, njoftoi të hënën në mbrëmje për dy ngjarje të rëndësishme që do të vijnë në vendin tonë.

“Jemi jashtëzakonisht të lumtur të njoftojmë se Bordi i FIBA Evropës, në mbledhjen e fundit në Bukuresht, i ka besuar Kosovës organizimin e dy ngjarjeve madhore për vitin 2026.

Me prezencën e Kryetarit të FBK-së, z. Arben Fetahu, si anëtar i Bordit të FIBA Evropës, u vendos që qyteti i Pejës të jetë qendra e basketbollit evropian për femra.

Kjo është një dëshmi e punës së palodhshme të FBK-së dhe besimit që strukturat ndërkombëtare kanë tek ne.

Shihemi verës në Pejë për spektakël basketbolli!

Ndërkaq, FIBA ka zgjedhur Kosovën edhe për organizimin e FIBA Europe 3×3 Qualifier për 2 vite radhazi, 2026 & 2027 në Prishtinë!”, njofton FBK në “Facebook”.