Vdekja e sekretarit të klubit të futbollit Vllaznia nga Pozherani e ka tronditur opinionin kosovar, shkruan arbresh.info.

Presidenti i Federatës së Futbollit të Kosovës, Fadil Vokrri, i ka shprehur ngushëllime familjes së të ndjerit.

“E nderuara familje e Nexhat Halimit!

Me pikëllim  të thellë morëm lajmin për vdekjen e Nexhat Halimit, ish sekretar i KF”Vllaznia” Pozharan, ish-delegat i Kuvendit të FFK-së dhe vëzhgues,  ndaj ju lutem që në emrin tim, KE, klubeve dhe adhuruesve të futbollit, me lejoni t’ju shpreh ngushëllimet tona më të sinqerta dhe më të thella.

Kontributi i Nexhatit ishte jashtëzakonisht  i madh në zhvillimin e  futbollit të Kosovës, sidomos pas pavarësimit. duke kaluar nëpër shumë sfida. Ishte njeri i urtë e i respektuar, ndaj gjithmonë do të kujtohet si i tillë.

Në këto momente të vështira të gjithë jemi pranë jush, për ta përballuar dhimbjen dhe humbjen e njeriut më të dashur për ju.

Me respekt

Fadil Vokrri, president i FFK-së”, shkruhet në komunikatë. /arbresh.info/