Feronikeli dhe Trepça ’89 do të luftojnë për trofeun e Kupës së Kosovës më 25 maj, pasi i fituan duelet e tyre përkatëse gjysmëfinale.

Feronikeli e mposhti 2:0 Ballkanin në ndeshjen e kthimit gjysmëfinale të mërkurën në stadiumin Rexhep Rexhepi në Drenas, dhe kalon në finale pas rezultatit të përgjithshëm 4:1 pas dy ndeshjeve, raporton gazeta express.

Skuadra nga Drenasi e kishte fituar 2:1 ndeshjen e parë në Suharekë para një jave.

Ndërkohë, Feronikelit në finale i bashkohet Trepça ’89, që përkundër humbjen në ndeshjen e kthimit 1:0 në shtëpi nga Vëllaznimi, kalon në finale me rezultat të përgjithshëm 4:1 pas dy ndeshjeve.

Klubi nga Mitrovica e kishte turpëruar 4:0 Vëllaznimin në ndeshjen e parë gjysmëfinale në Gjakovë para një jave.

Finalja e Kupës së Kosovës do të zhvillohet më 25 maj.