Manolas beson se Roma do ta ndalë edhe Salahun, përderisa e ndali pesë herë më të mirin në botë, Lionel Messin.

Kostas Manolas e ka lavdëruar trajnerin, Eusebio Di Francesco, për lojën e mirë që po aplikon Roma dhe për atë përmbysje historike kundër Barcelonës teksa ka thënë se përderisa e ndalën Leo Messin, mund ta ndalin edhe Mohamed Salahun.

“Nuk do ta markojmë Salahun, sepse e ndalëm Barcelonën e Leo Messin duke punuar si ekip, kështu që mund ta ndalim edhe Salahun në të njëjtën mënyrë. Nuk do të jetë e lehtë, natyrisht, por ne jemi gati”, u shpreh Manolas.

“Besimi ynë këtë sezon ka ardhur nga filozofia, loja që aplikon trajneri. Roma nuk duhet të ndryshojë kurrë mënyrën e të menduarit, pa marrë parasysh kundërshtarin. Di Francesco është shumë trajner Evropian, gjithmonë na kërkon të dominojmë në ndeshje me presion dhe intensitet”.