Sulmuesi argjentinas, Paulo Dybala, është lënduar mbrëmë në fitoren e Romës ndaj Lecces, 2-1.

Dybala u lëndua në kofshën e majtë gjatë shënimit të penalltisë në minutën e 48-të, penallti e cila vendosi edhe fatin e ndeshjes dhe siguroi fitoren e Romës.

Menjëherë pasi shënoi, ai u zëvendësua dhe u pa me lot në sy duke qëndruar në bakën rezervë të “Giallorosëve”.

Lotët e argjentinasit nuk ishin nga dhimbja që ia shkaktonte këmba, por nga frika që do ta humbë mundësinë për të luajtur në Botërorin e Katarit, i cili fillon në fund të nëntorit.

Është e sigurt se ai do të mungojë disa javë, derisa edhe trajneri i Romës, Jose Mourinho, në një intervistë për DAZN tha se është shumë vështirë të mendohet se Dybala do të kthehet të luajë para vitit 2023.

Kjo nënkupton që 28-vjecari do ta humbë edhe Kupën e Botës me Argjentinën, e cila këtë vit ka gjasa të mëdha që të dalë triumfuese./arbresh.info

Dybala scores for the 5th game in a row but gets injured while doing so.

You can’t make this up.pic.twitter.com/Q3Yqq1xZNe

— IM (@Iconic_Mourinho) October 9, 2022