Dy gjigandët italian futen në garë për Trevoh Chalobah

15:52 | 24 Tetor 2023
D.H

Mbrojtësi i Chelseas, Trevoh Chalobah ende nuk e ka shijuar asnjë moment në fushë këtë sezon me skuadrën e tij.

Ai ka pësuar një lëndim në fazën përgatitore, por ai nuk është as në planet e trajnerit të ri Mauricio Pochetino shkruan Arbresh.info.

Kështu që po e mendon seriozisht largimin nga “blutë e Londrës” dhe një gjë është e ditur se ai do të largohet nga Chelsea në merkaton e janarit.

Për mbrojtësin anglez e interesuar është skuadra gjermane Bayern Munich tash e sa kohë, por së fundmi dy gjigandët italian Juventus dhe Roma, janë futur në garë së bashku me gjermanët, sipas Calciomercatos.

Chelsea dëshiron 25 milion euro për mbrojtësin anglez, dhe nëse kjo shifër arrihet të paguhet mbrojtësi do të largohet në janar nga londinezët./Arbresh.info/