Drita ka arritur të shënoj fitore historike me rezultat 2-3 në ndeshjen e kthimit të rrethit të parë kualifikues ndaj Differdange 03.

Kjo fitore ia mundësoi kualifikimin në rrethin e dytë të Ligës së Kampionëve, një sukses të tillë nuk e ka arritur asnjëherë një skuadër kosovare, shkruan Arbresh.info.

Gjilanasit e nisën takimin në mënyrën më të mirë të mundshme duke shënuar pas katër minutave lojë me anë të Arb Manaj.

Kurse në minutën e 17-të, po i njëjti lojtar dyfishoi rezultatin në sfidë.

Mirëpo pas 11 minutave, Drita pësoi gol, për kampionët e Luksemburgut, shënoi Brusco.

Pjesa e dytë e ndeshjes, nuk solli gola deri në fund të takimit. Një minutë para se të nis koha shtesë, Rron Broja, shkaktoi penallti, ku në gol e konkretizoi Hadji, për 2-2.

Mirëpo në minutën e tretë shtesë, Veton Tusha riktheu epërsinë e Dritës, dhe vulosi fitoren e kualifikimin po ashtu.

Në rrethin e dytë kualifikues për Ligë të Kampionëve, Drita do të ndeshet me Copenhagenin./Arbresh.info