Drejtuesit e Komitetit Olimpik të Kosovës, presidenti Ismet Krasniqi dhe sekretari i përgjithshëm, Besim Aliti, janë pritur të premten në takim nga kryeministri i Kosovës, Albin Kurti, derisa të pranishëm ishin edhe ministri për Kulturë, Rini dhe Sport, Hajrullah Çeku dhe zëvendësministrja, Daulina Osmani.

Drejtuesit e KOK-ut falënderuan kryeministrin Kurti për përkrahjen e vazhdueshme që i ka dhënë sportit si dhe i prezantuan objektivat e tyre për zhvillimin e sportit në vend.

Ndërsa, u veçua bashkëpunimi i ngushtë me MKRS drejt zhvillimit të sportit elitar, shkollor e universitar.

I pari i legjislativit tregoi gatishmërinë e tij për përkrahjen e sportit si fushë me interes dhe prioritet shtetëror.

Në këtë takim, gjithashtu është diskutuar për infrastrukturën sportive si komponentë tejet e rëndësishmë për masovizimin dhe rezultatet sportive.

/Arbresh.info/