Dinamo Zagreb ka shënuar një fitore bindëse 4-1 ndaj FCSB, në ndeshjen e shtatë të Ligës së Evropës, ku vendasit dominuan nga minuta e parë deri në fund.

Skuadra kroate e nisi fuqishëm takimin dhe kaloi në epërsi që në minutën e 7-të, kur Monsef Bakrar realizoi me kokë pas një pasimi të saktë nga Niko Galešić.

Epërsia u dyfishua shpejt, në minutën e 11-të, me Dion Beljon, i cili përfitoi nga asistimi i Arbër Hoxhës dhe shënoi me qetësi brenda zonës.

FCSB reagoi në minutën e 42-të, duke ngushtuar shifrat në 2-1 me golin e Daniel Bîrligea, por kjo nuk mjaftoi për ta kthyer ndeshjen në lojë.

Në pjesën e dytë, Dinamo ruajti kontrollin dhe në minutën e 71-të riktheu epërsinë prej dy golash, sërish me Dion Beljon, pas asistimit të Josip Mišić.

Në minutat shtesë, Sandro Kulenović vulosi fitoren me golin përfundimtar 4-1.

Me këtë fitore Dinamo është e 20-ta me 10 pikë kurse FCSB mbetet e 29-ta me katër më pak./Arbresh.info