Lojtari i ri i Barcelonës, Ousmane Dembele ka refuzuar krahasimet me Neymarin duke insistuar se është ende i ri dhe ka shumë për të mësuar.

“Ekziston një diferencë e madhe ndërmjet Neymarit dhe meje. Unë jam në futbollin profesional që dy vite”, u ka thënë Dembele gazetarëve gjatë prezantimit të tij, transmeton portali arbresh.info.

“Neymar është njëri nga lojtarët më të mirë në botë, ndërsa unë jam i ri dhe jam duke u përpjekur për tu rritur çdo ditë”

“Nuk kam ardhur për të qenë një zëvendësues i Neymarit, Barcelona më ka thirrur për të zënë një pozitë dhe unë kam ardhur për të dhënë gjithçka në atë pozitë”.

20-vjeçari iu bashkua “Blaugranëve” nga Borussia Dortmundi javën e kaluar dhe është parë nga të gjithë si një zëvendësues i superyllit brazilian, i cili kaloi te Paris Saint Germain në fillim të këtij muaji./arbresh.info/