Ballkani ka arritur të shënoj fitoren e 10-të në Superligën e Kosovës në Futboll, gjatë ditës së sotme, ndaj Dukagjinit të Klinës.

Suharekasit triumfuan me rezultat 3-1, shkruan Arbresh.info.

Pas ndeshjes trajneri i Ballkanit, Ilir Daja u shpreh i lumtur për fitoren ndaj skuadrës së Armend Dallkut.

Ai ka lavdëruar skuadrën e tij për që janë duke e treguar vetën si në kampionat ashtu edhe në Evropë.

“Ne vazhdojmë me fitore dhe kjo është shumë e rëndësishme për neve, pasi po luajmë edhe në Evropë. Grupi nuk është më me 12 apo 13 lojtarë, por 16 e më tepër që janë të gatshëm për të treguar veten si në kampionat ashtu edhe në Evropë”, tha Daja.

Strategu shqiptar tutje tha se vazhdimësia me fitore i bënë më të qetë në rrjedhën e kampionatit.

“Besoj se vazhdimësia me fitore na bën me të qetë për vazhdimin e kampionatit. Është një fitore që na jep qetësinë për të vazhduar tutje”, shtoi ai.

Për fund Daja tha se ecuria e fitore ka vlerë të madhe dhe nxjerr në pah karakterin e jashtëzakonshëm të grupit.

“Sigurisht fitoret janë pjesë shumë e mirë për grupin, i cili po shfaq mentalitet fituesi. E gjithë kjo ecuri pozitive ka një vlerë shumë të madhe, duke nxjerr në pah karakterin e jashtëzakonshëm me grupin”, përfundoi Daja.

Ballkani është lider i Superligës së Kosovës në Futboll, me 32 pikë dhe një ndeshje më pak për tu luajtur./Arbresh.info/