Ylli i Al-Nassr, Cristiano Ronaldo, ka fituar për herë të dytë rresht çmimin e lojtarit më të mirë të muajit në Ligën Saudite, pas formës së tij të jashtëzakonshme në muajin shtator.

38-vjeçari shënoi pesë gola dhe bëri dy asistime për Al-Nassr në gusht për të marrë çmimin e lojtarit të muajit në Ligën Saudite dhe tani e ka vazhduar këtë në shtator pas pesë golave ​​të tjerë dhe tre asistimeve.

Forma e tij pozitive ka ndihmuar Al-Nassr të ngrihet në vendin e katërt në tabelë me gjashtë fitore radhazi, pasi humbi dy ndeshje në mes të gushtit.

Pavarësisht se është në vitet e fundit të karrierës së tij, portugezi po dëshmon se ka mund të jap ende për botën e futbollit.

Ai jo vetëm që është golashënuesi më i mirë i Ligës Saudite me 10 gola këtë sezon, por ai është gjithashtu golashënuesi më i mirë i Portugalisë me pesë gola në fushatën e tyre kualifikuese për Euro 2024.

Ronaldo tashmë ka shënuar më shumë gola për Al-Nassr këtë sezon se sa në 2022-2023, me pesë herë fituesin e Topit të Artë që deri më tash ka shënuar 17 gola në 16 ndeshje, kundrejt 14 në 19 ndeshje sezonin e kaluar.

Al-Nassr do të ketë përballë këtë vikend ekipin e Abhas dhe nëse gjërat ecin siç duhet ata mund të shkojnë në krye të tabelës./Telegrafi/