Conte: “Isha shumë afër Real Madridit, por nuk ishte koha e duhur”

22:17 | 2 Nëntor 2020
M. A.

Antonio Conte, trajneri i Real Madridit, duke folur para ndeshjes të martën në stadiumin “Alfredo di Stefano” në kuadër të Ligës së Kampionëve, ka zbuluar një të vërtetë që asnjëherë nuk u bë zyrtare.

Ai ka bërë të ditur se i është ofruar stoli i Real Madridit vite më parë.

“Në këto momente jam i koncentruar te Interi, kemi nisur një projekt dhe jam shumë i ngazëllyer, me një klub të fortë. Po krijojmë diçka të rëndësishme. Në të kaluarën kam pasur mundësinë të jem trajner i Real Madridit, ndoshta nuk ishte momenti, por u jam falënderues atyre që më ofruan atë post”, u shpreh Conte.

Sfida e nesërme në Champions League është si një finale për të dy klubet.

Si Interi, ashtu edhe Reali nuk e kanë nisur mirë fazën e grupeve këtë edicion. Interi i Contes ka dy pikë pas dy ndeshjeve, kurse Reali vetëm një pikë pas dy takimeve.