Trajneri i Inter-it, Antonio Conte ia ka kujtuar mesfushorit Christian Eriksen, se nuk është duke luajtur në Angli.

Danezi nuk është gjithmonë në formacionin startues të Conte-s dhe ka raportime se gjithçka nuk është në rregull mes tyre, transmeton portali arbresh.info.

Mirëpo, tekniku italian është i lumtur me Eriksen, derisa ia ka rikujtuar se nuk është duke luajtur në Angli.

“Ai duhet të vazhdojë me nivelin, por balanca nevojitet. Është duke u përmirësuar dhe është në dijeni që iu bashkua një skuadre me ambicie, klub i cili kërkon shumë nga ai”.

“Pritjet janë të larta në Itali. Sa më shumë të jesh i njohur, më shumë presin lojtarët nga ti”.

“Ai është i dëgjueshëm dhe duke ia dal mirë, por duhet të marrë vendime për të mirën e Inter-it. Skuadra është mirë. Ndonjëherë ata duhet të besojnë më shumë në kualitetin e tyre”, deklaroi tutje ai.

Inter dje me fitoren ndaj Torino-s, u ngrit në pozitën e dytë në tabelë./arbresh.info