Coleman: Zvicra e rrezikshme edhe pa Shaqirin

14:06 | 4 Shtator 2019

Seamus Coleman ka paralajmëruar se Zvicra vazhdon të jetë ende e rrezikshme pavarësisht mungesës së Xherdan Shaqirit.

Zvicra udhëton në Dublin ku Republika e Irlandës ka qëllimin të vazhdoj e pamposhtur tutje në ndeshjet kualifikuese për Euro 2020, transmeton portali arbresh.info.

Shaqiri ka refuzuar ftesën e Zvicrës duke thënë se ka kthyer fokusin te karriera në klub.

Skuadra e Mick McCarthy kryeson në Grupin D pasi ka marrë pikë maksimale kundër Gjibraltarit dhe Gjeorgjisë ndërkohë që ka barazuar kundër Danimarkës.

“Sigurisht se është një shtytje për ne që nuk luan ai”, ka thënë Coleman për Shaqirin.

“Ai është një lojtar i rrezikshëm dhe një nga ata që mund të shënojë gol para se ju ta kuptoni”

“Por një skuadër kualitative do të ketë njerëz që vijnë dhe e zëvendësojnë atë”

“Nuk është e mërzitshme, por ne duhet të fokusohemi në vetën tonë”, shton kapiteni i Irlandës./arbresh.info/

Lajmet më të lexuara