Chelsea të sigurt në transferimin e Jadon Sancho

17:33 | 4 Dhjetor 2019
Arbresh Info

Chelsea janë të sigurt se do të transferojnë sulmuesin e Borussia Dortmund, Jadon Sancho.

19-vjeçari ka luajtur për Manchester Cityn në vitin 2017, mirëpo me gjigantin gjerman ka gjetur formën më të mirë të mundshme, gjë që ka bërë të fitojë vëmendjen e gjigantëve evropian.

Për anglezin interesim të madh po tregojnë Real Madrid, Manchester United dhe Liverpool, transmeton portali arbresh.info.

Sipas disa spekulimeve kartoni i tij prek shifrën prej 100 milionë euro.

Goal.com beson që “Blutë” do të transferojnë Sanchon pasi ka një lidhje të mirë me dy lojtarët Callum Hudson-Odoi dhe Tammy Abraham, të cilët do të kenë ndikim në vendimin e tij.

Nga ana tjetër, Frank Lampard është i gatshëm të pres deri në verën e ardhshme për transferimin e lojtarit nëse dështon në afatin dimëror.

Kujtojmë që afati i janarit fillon pas tri ditëve./arbresh.info.