Chelsea nesër në Amsterdam për Arbër Zenelin

12:44 | 19 Janar 2019
Arbresh Info

Chelsea nesër do të vëzhgojë Arbër Zenelin para transferimit të tij të mundshëm prej 5 milionë funta.

Reprezentuesi i Kosovës ka tërhequr vëmendjen e gjigantëve evropian nga top pesë ligat më të mëdha me paraqitjet e tij të shkëlqyera në Holandë, shkruan portali arbresh.info.

Anësori i krahut të majtë te Heerenveeni do të mbetet pa kontratë gjatë verës dhe mund të jetë në dispozicion për një shumë të vogël prej vetëm 5 milionë funta.

Siç raporton ‘DailyMail’, një vëzhgues i Chelseas është planifikuar të jetë në Amsterdam të dielën kur Zeneli pritet të jetë titullar në ndeshjen kundër Ajaxit.

Chelsea besohet të jetë i impresionuar nga performancat e tij deri tani këtë sezon.

Para se të përfaqësonte Kosovën, 23-vjeçari ka qenë pjesë e niveleve U17, U19, dhe U21 të Suedisë./arbresh.info/