Bersant Celina e ka pranuar se fitorja e Kosovës kundër Republikës së Çekisë në ka qenë shumë e rëndësishme në përpjekjet e Kosovës për ta siguruar pjesëmarrjen në Kampionatin Evropian 2020 për herë të parë.

Kosova e Bernard Challandes e mundi me rikthim 2:1 Çekinë të shtunën në stadiumin Fadil Vokrri në Prishtinë, falë golave nga Vedat Muriqi dhe Mërgim Vojvoda, pasi Patrick Schick i kishte kaluar vizitorët në epërsi në fillim të takimit.

Celina, i cili luajti 90 minuta për t’i ndihmuar verdhekaltërve t’i grumbulloni tri pikë të tjera të mëdha, shkroi në rrjetet sociale pas ndeshjes për rëndësinë e fitores ndaj çekëve.

Fitorja e së shtunës pasdite në Prishtinë nënkupton se Kosova tani grumbullon 8 pikë në pozitën e dytë, dy më shumë se rivali i drejtpërdrejt për këtë vend, Çekia, me Anglinë lidere të Grupit A me 9 pikë.

“Çfarë fitore e rëndësishme. Tani radhën e ka Anglia. Forca!” shkroi Celina në Instagram.

Kosova do të udhëtojë drejt Southamptonit të martën për t’u përballur me Anglinë në St Mary’s stadium në ndeshjen e ardhës kualifikuese për Euro 2020. /Gazeta Expres