Trajneri i Llapit, Bylbyl Sokoli, është shprehur shumë i lumtur me trepikëshin ndaj Dritës.

Mirëpo, ai thotë që skuadra e tij ka ende shumë nevojë për t’u përmirësuar, fiks ashtu siç ka thënë pas çdo fitore këtë edicion.

“Duhet analizuar ndeshjen, pas ndeshjes është e vështirë. Mendoj se ka pasur shumë dobësi”, deklaroi Sokoli për “Supersport”.

“Jam i kënaqur me tri pikë, por loja nuk është as për së afërmi ajo që lojtarët e Llapit mund të bëjnë. Shënuam gol herët nga një aksion I ndërtuar mirë dhe patëm edhe elemente të vetkënaqësisë”.

“Mënyra se si e kontrollojmë topin është për çdo kritikë. Këto janë gabime që duhet përmirësuar dhe këta djelmosha meritojnë më shumë se sa sot”, shtoi ai.

Llapi mposhti Dritën me rezultat të ngushtë, 2:1.

Golat për ekipin llapjan i realizuan Fiton Hajdari dhe Festim Alidema.