Dimitar Berbatov ka udhëzuar sulmuesin Gareth Bale të largohet nga Real Madridi.

Bullgari, i cili ka luajtur së bashku me Balen në Tottenham, nuk mendon se ‘Los Blancos’ e duan reprezentuesin uellsian në Estadio Santiago Bernabeu, transmeton portali arbresh.info.

“Bale duket se merr fajin për gjithçka që shkon keq në Real Madrid, gjë që është e padrejtë”, ka thënë ai për Betfair.

“Nëse shikoni në statistikat e tij – 12 gola brenda 30 paraqitjeve këtë sezon, ai është ende duke performuar por ai është një djalosh që fishkëllehet për disa arsye”

“Nëse ju nuk ndiheni i vlerësuar, atëherë ju duhet të zhvendoseni”

Bale është përfolur shumë për rikthim te “Spursët”, por Berbatov është i shqetësuar se pengesat financiare mund të ndalojnë marrëveshjen.

“Janë në pyetje të hollat sigurisht”

“Nuk jam i sigurt nëse ‘Spursët’ mund të përballojnë një lojtar për 100 milionë funta, por Bale është një talent me klas botëror që mund të luaj kudo dhe do të ishte e mrekullueshme për të parë rikthimin e tij”, përfundon Berbatov./arbresh.info/