Real Madridi ka arritur të shënoj fitore me rezultat 2-0 ndaj Getafes në kuadër të xhiros së 15-të në La Liga.

Dy golat e fitores u realizuan në pjesën e parë. Bellingham ishte ai që hapi serinë me realizimin e tij nga penalltia në minutën e 30-të në ndeshje, shkruan Arbresh.info.

Ndërkohë tetë minuta më vonë pas një super pasimi që mori nga Jude, Mbappe me një goditje të shkëlqyer e dyfishoi epërinë e madrilenëve.

Edhe në pjesën e dytë Reali pati disa raste me Mbappen mirëpo finalizimi i tij la shumë për të dëshiruar.

Pavarësisht kësaj, Reali arkëtoi tre pikët e radhës dhe tani është në kuotën e 34 sosh një më pak se Barcelona që është liderë mirëpo ka një ndeshje më shumë të luajtur.

Kurse, Getafe është e 17-ta në tabelë me 13 pikë të grumbulluara.

Ndeshjen e radhës, Reali e luan në mesjavë ndaj Bilbaos, teksa Getafe sfidën tjetër përballet me Espanyolin./Arbresh.info