Bellerin i tregon Barcelonës se dëshiron të largohet nga Arsenal

10:07 | 30 Mars 2017
Arbresh Info

Hector Bellerin raportohet se ka informuar Barcelonën se është i gatshëm të largohet nga Arsenali këtë verë.

Mediat spanjolle pretendojnë se 22-vjeçari është takuar me presidentin sportiv të Barcelonës, Robert Fernandez në Londër javë më parë, transmeton portali arbresh.info. Gjatë këtij takimi, Bellerin ka informuar Fernandezin se është i gatshëm për t’i dhënë fund gjashtë viteve në Arsenal për rikthim në ‘Camp Nou’.

Dëshira e Bellerinit për largim nga Arsenali thuhet se do të forcohet edhe më shumë nëse Arsene Wenger vendos të largohet nga klubi në fund të kontratës së tij që skadon gjatë verës. Madje, mbrojtësi ka pretenduar gjithashtu së fundi se vështirë për të refuzuar gjigantin katalunas.

“Çdo lojtar në botë do të ishte i ngazëllyer kur Barcelona interesohet për të, është shumë mirë të jesh i njohur nga Barcelona”, kishte thënë ai për mediat spanjolle./arbresh.info