Bayern Munchen ka fituar bindshëm 3-0 për ta rimarrë vendin e parë në Bundeligën e Gjermanisë.

Bayerni e ka kryer detyrën sonte në Allianz Arena qysh në pjesën e parë për të fituar dhe rikthyer në pozitën e parë të Bundesligës.

Vendasit kaluan në epërsi në minutën e 31-të te ndeshjes. Erik Choupo-Motting shënoi një gol me kokë pas një krosimi që bëri Coman në zonë.

Në minutën e 40, Bayerni e dyfishoi epërsinë, me Muller që gjeti për mrekulli Comanin i cili u lirua dhe shënoi për rezultat 2-0.

Goli i tretë erdhi para fundit të pjesës së parë me një tjetër asistim të Muller i cili bëri një pasim kësaj radhe për Musiala i cili nuk gaboi dhe shënoi gol për rezultat 3-0 në minutën e parë shtesë të pjesës së parë.

Kjo fitore dërgon Bayernin në vendin e parë në Bundesligë me pikë po aq sa Borussia Dortmund që tani zbret në vendin e dytë.

Ndeshjen e ardhshme bavarezët do ta luajnë si mysafir i Stuttgartit, kurse Union Berlin pret në shtëpi skuadrën e Kolnit./arbresh.info