Roma dhe Lazio tani po merren me një rast të tyre të fitimeve kapitale dhe thuhet se i kanë mbivlerësuar lojtarët e tyre nga 30 deri në 50 për qind.

La Gazzetta dello Sport detajon se si Prokuroria Publike e Romës dhe e Tivolit bastisën selitë e dy klubeve romake të mërkurën, duke marrë dokumente në lidhje me një numër transferimesh të dyshimta nga viti 2017 në 2021, duke besuar se disa vlera të lojtarëve ishin fryrë për të falsifikuar fitimet kapitale.

Roma është më e rrezikuar nga dënimet e rënda sesa Lazio për shkak të shumave të përfshira në këtë rast, me transferimet e dyshimta të Giallorossëve që kapin vlerën totale mbi 100 milionë euro, krahasuar me rreth 22 milionë euro për rivalët e tyre lokal.

#Roma e #Lazio, occhio alle chat: ipotesi #plusvalenze gonfiate del 30-50% https://t.co/qGAUGZMhCz

— La Gazzetta dello Sport (@Gazzetta_it) April 7, 2023

Dy klubet dyshohet se mbivlerësuan lojtarët e përfshirë me rreth 30 deri në 50 për qind dhe marrëveshjet e Romës u kryen me Sassuolon, Atalantën, Juventusin dhe Hellas Veronën, duke përfshirë lojtarë si Leonardo Spinazzola, Davide Frattesi dhe Bryan Cristante.

Akuzat sugjerojnë se romakët kanë kryer komunikime të rreme korporative dhe deklarata mashtruese me anë të faturimeve të rreme.

Për Lazion këto pretendime lidhen me krimin e mundshëm të lëshimit të faturave për transaksione të paqena. /Telegrafi/