Tre futbollistët shqiptarë, Edon Zhegrova, Taulant Xhaka dhe Albian Ajeti e kanë fituar Kupë e Zvicrës me Baselin pas fitores 2:1 në finale kundër Thun të dielën në Bern.

Golat nga sulmuesi shqiptar i Zvicrës, Albian Ajeti dhe nga Fabian Frei i mjaftuan Baselit për ta mundur Thunin në ‘Stade de Suiss’e.

Anësori i ekipit kombëtar të Kosovës, Edon Zhegrova, ishte në bankën e rezervistëve në këtë takim final, po e fiton trofeun e tij të parë në karrierë me vetëm një minutë të lojë të zhvilluar në përgjithësi.

22-vjeçari është i huazuar te Balesi nga Genku, dhe ka vetëm një paraqitje një minutëshe në këtë garë, në gjysmëfinale ndaj Zurich.

Ndërkohë, sulmuesi i Zvicrës Ajeti bëri paraqitje të mirë dhe dha kontribut të madh duke e shënuar golin e parë të Baselit në minutën e 23-të.

Frei e dyfishoi epërsinë rreth dhjetë minuta para fundit, para se Sorgic ta shënonte golin e vetëm të Thun në këtë takim.

Mesfushori i Shqipërisë, Taulant Xhaka, po ashtu luajti 90 minuta titullar.

https://twitter.com/FC_Basel_en/status/1130109856961187840/photo/1?ref_src=twsrc%5Etfw%7Ctwcamp%5Etweetembed%7Ctwterm%5E1130109856961187840&ref_url=https%3A%2F%2Finsporti.com%2Fbaseli-me-zhegroven-e-fitojne-kupen-e-zvicres%2F