Presidenti i Barcelonës, Josep Maria Bartomeu insiston që klubi nuk ka plane për afatin kalimtar të muajit janar pavarësisht se kanë humbur lojtarin e transferuar për një tarifë rekorde Ousmane Demebele.

Gjiganti katalunas pritet të jetë në mungesë të reprezentuesit francez deri në fillim të muajit janar për shkak të lëndimit në kofshë gjatë fitores në La Liga ndaj Getafes në vikend, transmeton portali arbresh.info.

“Nuk kemi plane për afatin kalimtar të janarit”, ka thënë fillimisht Bartomeu.

“Demebele do të rikthehet dhe do të shfaq atë që ne tashmë e kemi parë”

Philippe Coutinho ka qenë një shënjestër afatgjate e Barcelonës gjatë muajve të verës, derisa bashkëlojtari i tij në Liverpool – Sadio Mane dhe mesfushori i PSG-së, Angel Di Maria, janë përmendur gjithashtu si shënjestra./arbresh.info/