Pasi nënshkroi me “Rakuten” në vitin 2017, Barcelona filloi një marrëveshje pesëvjeçare sponsorizimi. Marrëdhënia mes të dy palëve u lëkund tre vjet më vonë. Në fund të vitit 2020, pas largimit të afërt të Lionel Messit dhe fillimit të pandemisë, sponsorët japonezë i përgjysmuan fondet e tyre. Sezonin e ardhshëm madje të dy palët nuk do të vazhdojnë bashkëpunimin e tyre.

Barcelona, ashtu si shumica e klubeve në futbollin botëror, ka nevojë për një sponsor të fanellave. Sipas “Mundo Deportivo”, gjigandët katalanas kanë gjetur dy alternativa të mundshëm, të dyja të përfshira në kriptomonedha. Bisedimet e tyre më të avancuara deri më tani kanë ndodhur me Binance dhe FTX.

E para, e krijuar në vitin 2017m është e vendosur në Maltë. Si biznes, ata shesin mbi 76 forma të ndryshme kriptomonedhash, mes shërbimeve të tjera. Sipas faqes së tyre të internetit, ata janë “aktualisht shkëmbimi më i madh në botë për sa i përket vëllimit të tregtimit ditor të kriptomonedhave”.

Homologët e tyre në FTX janë të vendosur në Antigua dhe janë lançuar në vitin 2019. Ata shesin mbi 42 forma të ndryshme kriptomonedhash. Që nga korriku i këtij viti, ato kanë një vlerë mesatare mbi 10 miliardë dollar të vëllimit të tyre ditor të tregtimit dhe kanë mbi një milionë përdorues.

Objektivi i Barcelonës është të bëjë një minimum prej 60 milionë eurosh nga një prej këtyre marrëveshjeve. Kjo në thelb do t’u siguronte atyre mundësine për t’u rikthyer atje ku ishin përpara se të kthehej pandemia./Arbresh.info