Bordi i gjigantit të La Ligës, Barcelona, ka nisur prej kohësh përpjekjet për të sjellë një sulmues të ri qendre për sezonin e ardhshëm.

Megjithatë, Blaugranët e dinë se realizimi i një marrëveshjeje për objektivin e tyre kryesor, Julián Alvarez, do të jetë një detyrë e vështirë.

Për këtë arsye, Deco dhe ekipi i tij po punojnë edhe në një “Plan B”, sipas “Fichajes”, i cili përfshin të riun e Levantes, Karl Etta Eyong, si një tjetër opsion në shënjestrën e kampionit aktual të Spanjës.

Sulmuesi Etta Eyong po zhvillon një sezon të jashtëzakonshëm deri tani, duke treguar veten si ylli i ri i La Ligës falë paraqitjeve të tij me Villarreal dhe Levante.

Përpjekjet e tij në tre të fundit nuk kanë kaluar pa u vënë re nga skuadra e Barcelonës.

Sipas raportit të Fichajes: “Barcelona ka nisur punën mbi një plan B që pëlqehet shumë nga stafi teknik. Ky plan përfshin Etta Eyong”.

Kontrata e 22-vjeçarit në “Estadi Ciutat de València” përmban një klauzolë lirimi për ekipet spanjolle prej 30 milionë eurosh, megjithatë Barcelona është e bindur se mund të realizojë një marrëveshje për një shumë më të ulët.