Barcelona fitoi mbrëmë 6-0 ndaj Valencias në La Liga, në sfidën e luajtur në stadiumin “Johan Cruyff”, i cili ka vetëm 6000 vende.

Të gjithë janë duke pritur tashmë rikthimin në stadiumin “Spotify Camp Nou”, i cili për shkak të renovimit po ia pamundëson Barcelonës t’i luaj lojët vendas në tempullin e tyre mitik, shkruan Arbresh.info.

Por një rikthim do të ndodhë shumë shpejt, dhe tashmë numërimi mbrapsht ka filluar.

Gazetari spanjoll Jose Alvarez zbuloi në emisionin e famshëm “El Chiringuito” se rikthimi i Barcelonës në “Camp Nou” do të ndodhë më 28 shtator, në sfidën ndaj Real Sociedad.

Kjo do të thotë që edhe sfida e shumëpritur në Champions League ndaj PSG-së do të luhet në “Spotify Camp Nou”.

Barcelona sfidën e fundit në stadiumin e vogël “Johan Cruyff” do ta luaj ndaj Getafes dhe më pas do rikthehet në “Spotify Camp Nou”./Arbresh.info