Barcelona është mjaftë aktive në afatin kalimtar veror, jo vetëm me lojtarët që tenton t’i ofrojë por edhe me largimet.

Emri i radhës që pritet të largohet nga gjiganti katalunas është mbrojtësi senegalez Mikayil Faye pasi ai ende nuk ka debutuar me skuadrën e parë të Barcelonës në ndeshje zyrtare.

20-vjeçari u ble vetëm për 1,5 milionë euro nga klubi i vogël kroat Kustosija Zagreb dhe tani vlera e tij është shumë më e lartë.

Monaco është skuadra më e interesuar për lojtarin dhe po kërkon transferimin e tij gjatë verës.

Skuadra franceze do të përballet me Barcelonën në trofeun Joan Gamper ku priten bisedime të reja për të ardhmen e mbrojtësit.

Gjithsesi në garë për lojtarin është edhe një tjetër klub francez si Nice, që e sheh Faye si zëvendvsuesin perfekt të Jean-Clair Todibo.